ວິກຕໍເຣຍ, ປະເທດ ອັງກິດ, ວັນທີ 24 ຕຸລາ (Reuters) – ເກີດເຫດໄຟໄໝ້ຕູ້ຄອນເທນເນີ ໃນວັນເສົາທີ່ຜ່ານມານີ້ ຢູ່ເທິງກຳປັ່ນບັນທຸກສິນຄ້າ ທີ່ບັນທຸກສານເຄມີບໍ່ແຮ່ ຢູ່ນອກເມືອງ British Columbia ພວມລຸກລາມ ແລະ ເບິ່ງຄືວ່າ ຈະສາມາດຄວບຄຸມໄດ້ແລ້ວ, ເຈົ້າໜ້າທີ່ຍາມຝັ່ງການາດາ ກ່າວໃນວັນອາທິດວານນີ້.ສະມາຊິກລູກເຮືອ 16 ຄົນໄດ້ຖືກຍົກຍ້າຍອອກຈາກເຮືອ MV Zim Kingston ໃນວັນເສົາ, ໃນຂະນະທີ່ 5 ຄົນຍັງຢູ່ໃນເຮືອເພື່ອຕໍ່ສູ້ກັບໄຟ.ກຳປັ່ນລຳນີ້ໄດ້ຈອດຢູ່ຫ່າງຈາກຝັ່ງທະເລພາກໃຕ້ຂອງເກາະ Vancouver ຫຼາຍກິໂລແມັດ. ເຈົ້າໜ້າທີ່ກ່າວວ່າ ພວກທີ່ຢູ່ອາໄສໃນເກາະບໍ່ໄດ້ຕົກຢູ່ໃນອັນຕະລາຍ ແລະ ການຂົນສົ່ງກຳປັ່ນການຄ້າໄປຍັງທ່າເຮືອ Vancouver ແລະທ່າເຮືອ Seattle ແມ່ນບໍ່ມີການກີດຂວາງ.#TargetMagazine
Read More »ອັກຄີໄພ
ໄຟໄໜ້ຕະຫຼາດບ້ານແດນສະຫວັນ ເສຍຫາຍເບື້ອງຕົ້ນ 53 ຮ້ານ ມູນຄ່າ 4 ຕື້ກວ່າກີບ…
ການນໍາເມືອງເຊໂປນລົງເກັບກໍາຂໍ້ມູນ, ປະເມີນຄວາມເສຍຫາຍ ແລະ ຊອກວິທີແກ້ໄຂຜົນກະທົບ ຈາກເຫດການໄຟໄໜ້ຕະຫຼາດບ້ານແດນສະຫວັນ, ເມືອງເຊໂປນ, ແຂວງສະຫວັນນະເຂດ ໃນວັນທີ 28 ກໍລະກົດ 2020 ວ່າ: ຜ່ານການລົງເກັບກຳຂໍ້ມູນຄວາມເສຍຫາຍເບື້ອງຕົ້ນ ໃນເນື້ອທີ່ 8098 ຕາແມັດ ຮ້ານຄ້າທີ່ຮັບຜົນເສຍຫາຍເບື້ອງຕົ້ນຈຳນວນຈຳນວນ 53 ຮ້ານ ເຂົ້າມາລາຍງານແລ້ວ 30 ຮ້ານ ມູນຄ່າປະມານ 4.320.000.000 ກີບ, ຍັງບໍ່ທັນມາລາຍງານຄວາມເສຍຫາຍ ຈຳນວນ 23 ຮ້ານ. ທ່ານ ວົງສະຫວັນ ວຽງມະນີ ເຈົ້າເມືອງໆເຊໂປນ ໄດ້ຊີ້ນຳມອບໝາຍໜ້າທີ່ໃຫ້ຂະແໜງການທີ່ກ່ຽວຂ້ອງ, ປະສານສົບທົບອໍານາດການປົກຄອງບ້ານ, ດ່ານ ຕໍມໍ, ດ່ານພາສີ, ເຂດການຄ້າແດນສະຫວັນ, ລົງກວດກາ ແລະ ເກັບກຳຂໍ້ມູນ ປະເມີນຜົນເສຍຫາຍຈາກອັກຄີໄພ ຕະຫຼາດບ້ານແດນສະຫວັນ ເມືອງເຊໂປນ, ຊອກຫາຈັດສັນຕະຫຼາດຊົ່ວຄາວ ເພື່ອໃຫ້ປະຊາຊົນຄ້າຂາຍ ພືດ, ຜັກ, ອາຫານສົດ-ແຫ້ງ; ສຳລັບຮ້ານຄ້າຂາຍເສື້ອຜ້າ, ຂາຍສິນຄ້າອື່ນທີ່ຈຳເປັນຕ້ອງໄດ້ມີຫ້າງຮ້ານແໜ້ນໜາ ແມ່ນຈະໄດ້ຄົ້ນຄວ້າພາຍຫຼັງ, ສະຖານທີ່ ຕະຫຼາດຊົ່ວຄາວນັ້ນຕ້ອງມີໄຟຟ້າ, ນໍ້າໃຊ້, ຫ້ອງນ້ຳ, ມີຄວາມປອດໄພ, ສຳລັບ ສິ່ງເສດເຫຼືອ ...
Read More »ເຜີຍແລ້ວ!!! ສາເຫດ ໄຟໄໝ້ໄອເຕັກ ຕຶກເກົ່າ ສ້າງຄວາມເສຍຫາຍ 30 ກວ່າຮ້ານ
ເຫດການໄຟໄໝ້ ສູນການຄ້າ ລາວ ໄອເຕັກ ໃນທ້າຍອາທິດຜ່ານມາ ສ້າງຄວາມເສຍຫາຍໃຫ້ກັບຜູ້ປະກອບການ 30 ກວ່າຮ້ານ ທີ່ນຳສິນຄ້າເພື່ອກຽມຮ່ວມງານວາງສະແດງຜະລິດຕະພັນລາວ ທີ່ມີກຳນົດເປີດຂຶ້ນໃນລະຫວ່າງວັນທີ 10 – 19 ພຶດສະພາ ເຮັດໃຫ້ຕ້ອງໄດ້ເລື່ອນງານດັ່ງກ່າວໄປຈົນກວ່າຈະຟື້ນຟູຕຶກໃຫ້ກັບສູ່ສະພາບປົກກະຕິ. ຫຼ້າສຸດ, ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ( ສຕອ ) ໄດ້ເຜີຍສາເຫດແມ່ນຍ້ອນໄຟຟ້າລັດວົງຈອນ. ທ່ານ ພັນໂທ ຈັນທະບູນ ມະນີວົງ ຫົວໜ້າພະແນກ ສຕອ ຖະແຫຼງຕໍ່ນັກຂ່າວ ວ່າ: ຜ່ານການກວດກາ, ສອບຖາມຜູ້ຢູ່ໃນເຫດການ ແລະ ຂໍ້ມູນຈາກກ້ອງວົງຈອນປິດ ຈິຶ່ງຮູ້ວ່າກ່ອນໄຟໄໝ້ໃນເວລາປະມານ 8:30 ໂມງ ມີພະນັກງານໄຟຟ້າປະຈໍາສູນການຄ້າ ລາວ – ໄອເຕັກ ເຮັດໜ້າທີ່ເປີດໄຟ ແລະ ເປີດແອເປັນປະຈໍາ ກ່ອນເປີດໃຫ້ລູກຄ້າເຂົ້າໄປຂາຍ, ຕໍ່ມາປະມານ 35 ນາທີ ໄດ້ຍິນສຽງແຕກດັງຂຶ້ນ 1 ຄັ້ງ ພະນັກງານໄຟຟ້າຈຶ່ງເຂົ້າໄປເບິ່ງພົບເຫັນໄຟໄໝ້ລັດວົງຈອນ ( ຊັອດ ) ຢູ່ກະດານໄຟເທິງຮ້ານຂາຍເຄື່ອງປະດັບຍົນ ພະນັກງານຈຶ່ງນໍາເອົາບັ້ງດັບເພີງມາດັບມອດ ແຕ່ບໍ່ສາມາດດັບໄດ້, ເຮັດໃຫ້ໄໝ້ລາມໄປຕາມສາຍໄຟ ...
Read More »ຄວາມຄືບໜ້າ!!! ເຫດການໄຟໄຫມ້ ໄອເຕັກຕຶກເກົ່າ ມື້ນີ້…. (ມີຄຼິບຄວາມເສຍຫາຍ)
ຕອນນິ້, ແມ່ນສາມາດຄວບຄຸມເຊື້ອເພີງ ຈຸດເກີດໄຟໄຫມ້ໄດ້ແລ້ວ!!!!! (ຊົມຄຼິບ) ມື້ນີ້, ວັນທີ 10 ພຶດສະພາ 2019 ເວລາ 9:00 ໂມງເຊົ້າ ໄດ້ເກີດເຫດໄຟໄຫມ້ ລາວໄອເຕັກ ຕຶກເກົ່າ, ນະຄອນຫຼວງວຽງຈັນ. ເຊິ່ງມື້ນີ້, ແມ່ນຈະໄດ້ມີງານວາງສະແດງສິນຄ້າ ຜະລິດຕະພັນລາວ (Made In laos) ທີ່ມີຂຶ້ນລະຫວ່າງວັນທີ 10-19 ພຶດສະພານີ້. ເຊິ່ງແນ່ນອນ ອາດຈະມີການເລື່ອນງານເລັກໜ້ອຍ ແຕ່ກໍຍັງບໍ່ໄດ້ມີລາຍງານຢ່າງເປັນທາງການ. ພາບຂ່າວເຫດການຕ່າງໆແມ່ນໄດ້ມີປະຊາຊົນ ຫຼາຍຄົນໄດ້ເຜີຍແພ່ໃຫ້ຮັບຮູ້ທາງສື່ສັງຄົມອອນລາຍ ສະແດງໃຫ້ເຫັນຄວັນດຳກຸ້ມອອກມາຈາກຕຶກໄອເຕັກເປັນຈຳນວນຫຼາຍ ແຕ່ກໍຍັງບໍ່ທັນໄດ້ເຫັນເປັນແປວໄຟຂຶ້ນແຮງ. ທັງນີ້, ຍັງບໍ່ທັນມີລາຍງານຈາກເຈົ້າໜ້າທີ່ຢ່າງເປັນທາງການກ່ຽວກັບ ສາເຫດຂອງການເກີດໄຟໄຫມ້ໃນຄັ້ງນີ້ເທື່ອ, ລວມທັງຍັງບໍ່ທັນມີລາຍງານກ່ຽວກັບຄວາມເສຍຫາຍ, ຜູ້ໄດ້ຮັບບາດເຈັບ ຫຼື ເສຍຊີວິດ ເວລາປະມານ 9:20 ໂມງ ເຈົ້າໜ້າທີ່ໄດ້ເລັ່ງເຂົ້າດັບໄຟ ມີລົດດັບເພີງເຂົ້າດັບ 5 ຄັນ ແລະ ສາມາດມອດໄຟໄດ້ທັນການ ເວລາ 9:40 ໂມງ ໜ່ວຍກູ້ໄພມູນນິທິຈີນ ລາຍງານວ່າ ສາມາດມອດໄຟໄດ້ແລ້ວ ພ້ອມເຜີຍຈຸດທີ່ເກີດໄຟໄຫມ້ ແມ່ນບໍລິເວນກ້ອງຂັ້ນໄດຂຶ້ນໄປໂຮງຮູບເງົາ. ສ່ວນລາຍລະອຽດຕ່າງໆກ່ຽວກັບ ເຫດການຄັ້ງນີ້ ຈະໄດ້ມາລາຍງານໃຫ້ທຸກຄົນໄດ້ຮັບຮູ້ເປັນໄລຍະ. ທີ່ມາ: ...
Read More »ຂ່າວຄືບໜ້າ ໄຟໄໝ້ສາງເກັບເຄື່ອງເຂດບ້ານໜອງພະຍາ
ອີງຕາມຂໍ້ມູນຈາກເຟສບຸກຂອງສະມາຄົມອາສາ ກູ້ໄພ ນະຄອນຫຼວງວຽງຈັນ 1624 ໃຫ້ຮູ້ວ່າ: ວັນທີ 24/12/2018 ເວລາປະມານ13:55 ນາທີ ໄດ້ຮັບແຈ້ງເຫດເຂົ້າໝາຍເລກສຸກເສີນ1624 ວ່າ ມີເຫດໄຟໄໝ້ສາງເກັບເຄື່ອງຢູ່ເຂດບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນ ທີມງານຈຶ່ງອອກກວດສອບຮ່ວມກັບເຈົ້າໜ້າທີ່ຕຳຫຼວດດັບເພີງ ປັດຈຸບັນສາມາດຄວບຄຸມເພີງໄດ້ແລ້ວ. ສ່ວນລາຍລະອຽດສາເຫດເກີດຂຶ້ນຍ້ອນຫຍັງ ມູນຄ່າເສຍຫາຍຫຼາຍເທົ່າໃດ ຍັງບໍ່ທັນມີລາຍງານ.
Read More »ໄຟໄໝ້ສາງເກັບເຄື່ອງເຂດບ້ານໜອງພະຍາ
ວັນທີ 24 ທັນວາ 2018 ເວລາປະມານ 14 ໂມງ 45 ນາທີ ໄດ້ຮັບລາຍງານຈາກທີມງານຂ່າວ TARGET ທີ່ລົງໄປເຮັດວຽກໃນເຂດນັ້ນວ່າ: ມີເຫດໄຟໄໝ້ສາງເກັບເຄື່ອງຢູ່ເຂດບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນ. ຂ່າວຄືບໜ້າຈະແຈ້ງໃຫ້ຊາບຕື່ມ.
Read More »