ວັດທະນະທໍາ-ຮີດຄອງປະເພນີ

ໃນງານມະຫາກໍາສີມືຫັດຖະກໍາລາວ ຄັ້ງທີ 19 ພາຍໃຕ້ຫົວຂໍ້ “ສີໄມ້ລາຍມືຄືອຸທິຍານແຫ່ງການທ່ອງທ່ຽວ” ຈະຈັດຂຶ້ນທີ່ ສູນການຄ້າລາວ-ໄອເຕັກ ນະຄອນຫລວງວຽງຈັນ ແຕ່ວັນທີ 10 ຫາ 18 ຕຸລາ 2020. ທ່ານ ນາງ ສຸວິຕາ ປະເສີດ ປະທານສະມາຄົມຫັດຖະກໍາລາວ ຖະແຫລງຕໍ່ສື່ມວນຊົນ ຕອນບ່າຍວັນທີ 3 ກັນຍາ 2020 ທີ່ໂຮງແຮມແລນມາກ ນະຄອນຫລວງວຽງຈັນ, ກ່ຽວກັບການກະກຽມຈັດງານງານມະຫາກໍາສີມືຫັດຖະກໍາລາວ ຄັ້ງທີ 19 ວ່າ: ເພື່ອເປັນການສົ່ງເສີມການຕະຫຼາດໃຫ້ແກ່ສິນຄ້າຫັດຖະກຳ ພ້ອມນີ້ກໍ່ເປັນການເຕົ້າໂຮມຄວາມສາມັກຄີໃນໝູ່ຊາວຊ່າງຫັດຖະກຳທຸກຊົນເຜົ່າຢູ່ທຸກໆທ້ອງຖິ່ນໃນທົ່ວປະເທດ ເພື່ອພ້ອມກັນອະນຸລັກສີໄມ້ລາຍມືທາງດ້ານຫັດຖະກຳ, ຂຸດຄົ້ນທ່າແຮງທາງດ້ານຫັດຖະກຳຢູ່ທຸກທ້ອງຖິ່ນ, ເສີມຂະຫຍາຍພູມປັນຍາທາງດ້ານຫັດຖະກຳຂອງຊົນເຜົ່າຕ່າງໆ, ຜະລິດເຄື່ອງຫັດຖະກຳໃຫ້ມີຄວາມຫຼາກຫຼາຍ, ມີຄວາມສວຍງາມປານີດ, ເປັນເອກະລັກຂອງຊົນເຜົ່າຂອງທ້ອງຖິ່ນ, ນອກຈາກນີ້ຍັງເປັນການສ້າງໂອກາດໃຫ້ຊາວຊ່າງຫັດຖະກຳໄດ້ມາພົບປະກັນເພື່ອແລກປ່ຽນບົດຮຽນ, ປະສົບການທາງດ້ານການຜະລິດເຄື່ອງຫັດຖະກຳ, ສ້າງໂອກາດໃຫ້ຊາວຊ່າງຫັດຖະກຳໄດ້ມາພົບປະລູກຄ້າຂາປະຈຳ ແລະ ຫາຄູ່ຄ້າລາຍໃໝ່ ທີ່ສຳຄັນອີກແມ່ນຍັງສະໜັບສະໜູນການທ່ອງທ່ຽວລາວໃຫ້ຟົດຟື້ນ ຄືລາວທ່ຽວລາວ. ໃນງານຄັ້ງນີ້ປະກອບມີ ກິດຈະກຳວາງສະແດງ-ຂາຍສິນຄ້າຫັດຖະກຳລາວ ໂດຍເນັ້ນໃສ່ການສົ່ງເສີມການຕະຫຼາດໃຫ້ຊາວຊ່າງຫັດຖະກຳລາວທີ່ຢູ່ເຂດຊົນນະບົດຫ່າງໄກສອກຫຼີກ ທ້ອງຖິ່ນຕ່າງໆໃນທົ່ວປະເທດ ໄດ້ນຳເອົາເຄື່ອງຫັດຖະກຳຂອງຕົນມາຈຳໜ່າຍຂາຍ, ເພື່ອສ້າງລາຍໄດ້ໃຫ້ຕົນເອງ, ໂດຍມີຮ້ານວາງສະແດງ-ຂາຍຫຼາຍກວ່າ 200 ຮ້ານ ເຊິ່ງຈັດສັນເຂດວາງສະແດງຂາຍຕາມຂະແໜງຫັດຖະກຳ ເພື່ອສະດວກໃນການຢ້ຽມຊົມ, ລະດົມສະມາຊິກ, ຊາວຊ່າງຫັດຖະກຳໃນທົ່ວປະເທດ, ເພື່ອສົ່ງເສີມເຂົາເຈົ້າເຂົ້າຮ່ວມງານຢ່າງທົ່ວເຖິງ ແລະ ...

ມີແຈ້ງການວ່າ ເມືອງຫົງສາ ແຂວງໄຊຍະບູລີ ແຈ້ງໂຈະການຈັດງານບຸນຊ່ວງເຮືອອອກພັນສາ ປະຈຳປີ ພສ 2563 ເນື່ອງຈາກສະພາບຂອງໂຄວິດ-19 ທີ່ຍັງແຜ່ລະບາດໃນທົ່ວໂລກ ແລະ ເພື່ອເປັນການສືບຕໍ່ປະຕິບັດຕາມມາດຕະການ ເລກທີ 06/ນຍ ແລະ ບັນດາມາດຕະການຜ່ອນຜັນຕ່າງໆ. ແຫຼ່ງຂໍ້ມູນ: https://www.facebook.com/plugins/post.php

ການຊ່ວງເຮືອ ທີ່ຫຼວງພະບາງ ເພື່ອເປັນການບູຊາໜ້ານໍ້າ ຕາມຮິດຄອງປະເພນີ ທ່າມກາງສາຍຝົນທີ່ຕົກລົງມາ. ໂດຍມີເຮືອຊ່ວງທັງໝົດ 6 ເຫລັ້ມ ປະກອບມີ: ເຮືອນາງດຳ-ນາງດ່ອນ 1 ຄູ່, ເຮືອຊ່ວງຊຽງທອງ, ປ່າຂາມ, ສັງຄະໂລກ ແລະ ຫາດຮ່ຽນ ໃນມື້ບຸນເດືອນເກົ້າ ຫໍ່ເຂົ້າປະດັບດິນ ບຸນຊ່ວງເຮືອ ຂອງນະຄອນຫລວງພະບາງ ໃນວັນທີ 18 ສິງຫາ 2020 ເນື່ອງຈາກການແຜ່ລະບາດຂອງເຊື້ອ ໂຄວິດ-19 ຢູ່ພາກພື້ນ, ການຈັດບຸນຊ່ວງເຮືອໃຫຍ່ ທີ່ມີຄົນເຂົ້າຮ່ວມຫຼາຍ ແມ່ນໄດ້ຖືກໂຈະ ແລະ ມີພຽງ ພິທີບູຊາ ໜ້ານໍ້າ ເທົ່ານັ້ນ. FM 90.0

ລຳດັບການຂຶ້ນສົງນ້ຳ 1.ປູເຍີ-ຍາເຍີ ຂຶ້ນໄປຫົດສົງກ່ອນ ເນຶ່ອງດ້ວຍພວກເຮົານັບຖຶວ່າເປັນເທວະດາຫຼວງ ບັນພະບູລຸດຂອງຄົນລາວ 2.ພະສົງເຖຣະ 9 ອົງຂຶ້ນຫົດສົງເນຶ່ອງດ້ວຍເປັນຜູ້ນຳດ້ານວັດວາພຸດທະສາສນາ ຮີດຄອງປະເພນີຂອງຊາວພຸດ 3.ພາມມະນາຈານທັງ 8 ເນຶ່ອງຈາກເປັນຜູ້ຫຼັກຜູ້ໃຫຍ່ອາວູໂສໃນບ້ານເມຶອງ ເປັນທີ່ປຶກສາແກ່ພະຣາຊາໃນສະໄໝກ່ອນ 4.ການນຳຂັ້ນສູນກາງ ແຂວງ ເມຶອງຕາມລຳດັບຂັ້ນ ເປັນຝ່າຍເຈົ້ານາຍບ້ານເມຶອງ 5. ນາງສາວສັງຂານທັງ 7 ລູກສາວຜະຍາກາບິນລະພົມ ອັນກ່ຽວກັບຕຳນານສົງການ 6.ຜູ້ນຳອາວູໂສເຖົ້າແກ່ ພໍ່ຄ້າຊາວຂາຍ 7. ຊາວພຸທທະສາສະນິກະຊົນບັນດາເຜົາທົ່ວໄປທີ່ມາຮ່ວມ ຂໍ້ຫ້າມໃນການຂຶ້ນສົງນ້ຳ 1.ຫ້າມໄຕ້ທູບທຽນລະຫວ່າງນັ່ງລໍກ່ອນພິທີເລີມ 2.ຫ້າມຜູ້ນຸ່ງເຄຶ່ອງບໍ່ສຸພາບຮຽບຮ້ອຍ ບໍ່ຖຶກຕາມເອກະລັກວັດທະນະທຳຊາວພຸດ 3. ຫ້າມຜູ້ມີອາການມຶນເມົາ 4.ຫ້າມເອົາພ່ວງມາໄລດອກໄປແຂວນຫລຶຫ້ອຍໄວກັບອົງພະ 5.ຫ້າມສົງນ້ຳດ້ວຍການຫົດກັບຫໍສົງ ໃຫ້ສົງທາງຫາງສົງນາກຢ່າງດຽວ #ຂໍ້ຄວນປະຕິບັດ 1.ມາດ້ວຍຄວາມເຄົາສັດທາ ເອົານ້ຳສະອາດ ນ້ຳຫອມ ມີດອກໄມ້ທູບ3ດອກ ທຽນ2 ມາຂາບອະທິຖານກ່ອນຂຶ້ນສົງ 2.ປົດເກີບໄວ້ນອກກ່ອນຂຶ້ນສົງ 3. ບໍ່ຖີ້ມປະຂີ້ເຫຍຶອທີ່ຕົນເອງນຳມາກະກຽມໄວ້ບໍລິເວນພາມຫໍສົງ ສະເພາະພຣະສົງຄ໌ສາມະເນນທີ່ມີຫນ້າທີ່ດັບທູບທຽນເທົ່ານັ້ນ ທີ່ສາມາດເຂົ້າໄປໃນບໍລິເວນຂ້າງໃນໄດ້ ເພື່ອດູແລດັບທູບທຽນທີ່ພໍ່ອອກແມ່ອອກໄຕ້ບູຊາ ແຕ່ບໍ່ສາມາດແຕະຕ້ອງອົງຄ໌ພຣະບາງໄດ້ – ຜູ້ຄົນທີ່ມາສົງນ້ຳພຣະບາງ ຈະເປັນພຣະ ຫຼື ເປັນພໍ່ອອກແມ່ອອກ ຕ້ອງຂຶ້ນສົງນ້ຳພຣະບາງຜ່ານຮາງສົງທີ່ທາງວັດຈັດໄວ້ໃຫ້ເທົ່ານັ້ນ – ບໍ່ສາມາດສົງນ້ຳໃສ່ອົງຄ໌ພຣະບາງໂດຍຕົງ ຂໍ້ມູນຈາກ ວັດໃໝ່ ນະຄອນຫຼວງພຣະບາງ ...

ສະບາຍດີ  ໃກ້ຈະຮອດມື້ຂຶ້ນປີໃຫມ່ລາວ ແລ້ວ ເຊື່ອວ່າຫຼາຍຄົນຄົງຕື່ນເຕັ້ນ ແລະ ຢາກໃຫ້ຮອດມື້ນັ້ນໄວໆ ເພື່ອຈະໄດ້ພັກຜ່ອນກັບຄອບຄົວ ກັບໄປຢ້ຽມຢາມບ້ານເກີດເມືອງນອນ ຫຼັງຈາກເຮັດວຽກມາໝົດປີ. ແລະ  ມື້ນີ້ທາງເວັບໄຊທາເກັດຂອງພວກເຮົາຈະມານໍາສະເໜີບັນດາທ່ານ ກ່ຽວກັບ ປະຫວັດຄວາມເປັນມາຂອງ “ການຕົບພຣະທາດຊາຍ” ຖືວ່າເປັນປະເພນີອັນສໍາຄັນອີກຢ່າງໜຶ່ງຂອງຄົນລາວ ທີ່ສຶບທອດມາແຕ່ບູຮານ ເຊິ່ງປະເພນີນີ້ມີທີ່ມາຈາກ ຫຼັກຖານໃນ “ພຣະໄຕປິດົກ” ທີ່ພັນລະນາເຖິງອະນິສົງທີ່ພຣະໂພທິສັດ ສ້າງພຣະທາດຊາຍເພື່ອຖວາຍເປັນ ພຸດທະບູຊາ, ເຊິ່ງປະເພນີການຕົບພຣະທາດຊາຍກໍຖືວ່າເປັນປະເພນີທີ່ກ່ຽວຂ້ອງກັບ ພຸດທະສາສະໜາໂດຍກົງ ໂດຍຄົນລາວສ່ວນຫຼາຍມັກເຊື່ອມໂຍງປະເພນີນີ້ເຂົ້າກັບຄວາມເຊື່ອເລື່ອງເວນກັມ ໃນພຸດທະສາສະໜາມີການກໍ່ພຣະທາດຊາຍ ເພື່ອຖວາຍແກ່ວັດເພື່ອຖວາຍເປັນພຸດທະບູຊາໃຫ້ເປັນກຸສົນ. ນອກນັ້ນແລ້ວຍັງເປັນການສ້າງຄວາມສາມັກຄີຂອງຄົນໃນບ້ານອີກດ້ວຍ ປະເພນີນີ້ຈະນິຍົມຈັດຂຶ້ນໃນໄລຍະເທສະການປີໃໝ່ ເຊິ່ງໃນບາງບ້ານອາດຈະຈັດຂຶ້ນໃນປະເພນີບຸນ ບຸນຄຸນເຂົ້າ ບຸນຄຸນລານ (ມີການເອົາເຂົ້າມາສ້າງເປັນພຣະທາດແລ້ວຖວາຍວັດ) ອັນນີ້ກໍນັບວ່າເປັນການຕົບພຣະທາດຊາຍເຊັ່ນດຽວກັນ ເພາະບໍ່ໄດ້ສ້າງເປັນວັດຖຸສະຖານຖາວອນໃນວັດ ແຕ່ເປັນພຽງພຣະທາດຊົ່ວຄາວ ເພື່ອຄວາມມຸ່ງຫວັງຖວາຍເປັນພຸດທະບູຊາໃນປະເພນີໜຶ່ງໆເທົ່ານັ້ນ.   ມີເລື່ອງເລົ່າຈາກຄົນບູຮານວ່າ: ມື້ໜຶ່ງເປັນລະດູຮ້ອນອົບເອົ້າຫຼາຍ ພຣະເຈົ້າປັດເສທິໂກສົນ ໄດ້ຊົງພັກຜ່ອນ ພຣະອິຣິຍາບົດໃຫ້ສະບາຍ ຢູ່ຫາດຊາຍແຄມຝັ່ງແມ່ນໍ້າທີ່ບໍ່ໄກຈາກນະຄອນພໍເທົ່າໃດ  ໄດ້ຊົງທອດພຣະເນດເຫັນຊາຍຂາວສະອາດຮາບພຽງດີ ພຣະອົງຈຶ່ງດໍາຣິວ່າ ຄວນເຮັດເປັນຮູບເຈດີຂຶ້ນ ເພື່ອບູຊາ ພຣະຣັດຕະນະໄຕຣ ດີກວ່າທີ່ເຮົາຈະມາຍ່າງຫຼີ້ນໂດຍບໍ່ມີປະໂຫຍດ ເມື່ອພຣະອົງດໍາຣິຈົບລົງ ພຣະອົງກໍຮີບລົງມື ກໍ່ເປັນຮູບເຈດີດ້ວຍພຣະອົງເອງ ພວກບໍຣິວານທັງຫຼາຍທີ່ຕາມສະເດັດກໍລົງມືກໍ່ຕາມໄດ້ດ້ວຍຈົນສໍາເລັດ ເມື່ອເຫັນກໍເປັນທິວທັດອັນງົດງາມ ເກີດມີຄວາມປິຕິຍິນດີເປັນຢ່າງຍິ່ງ ແລະ ກໍໄດ້ແນະນໍາໃຫ້ລູກຫຼານໃນຕະກູນປະຕິບັດສືບຕໍ່ກັນມາ. ຕໍ່ມາໄດ້ມີ ພຣະຕະຖາຄົດ ...

ສະບາຍດີບັນດາທ່ານທີ່ຮັກແພງ ມື້ນີ້ທາງເວັບໄຊທາເກັດຂອງພວກເຮົາ ຈະມານໍາສະເໜີບັນດາທ່ານກ່ຽວກັບ  “ການສົງນໍ້າພຣະ” ໜຶ່ງໃນພິທີຂອງປະເພນີບຸນປີໃໝ່ລາວ ຫຼື ບຸນກຸດສົງການ ຫຼື ບຸນເດືອນຫ້າ ສໍາລັບການສົງນໍ້າພຣະນັ້ນ ສະໄໝກ່ອນມີການຫ້າງຫາຊອກເກັບເອົາດອກຈິກ, ດອກຮັງ ແລະ ດອກໄມ້ທີ່ມີກິ່ນຫອມຕ່າງໆນໍາມາຕາກໃຫ້ແຫ້ງສຳລັບໄວ້ໂຮຍໃສ່ນ້ຳທີ່ຈະນໍາໄປສົງພຣະ. ນອກຈາກດອກໄມ້ແຫ້ງແລ້ວ ບາງຄົນກໍນິຍົມໃສ່ນໍ້າອົບນໍ້າຫອມ ຜົງໄມ້ຈວງ ໄມ້ຈັນ ທີ່ມີກິ່ນຫອມໂຮຍໃສ່ຕື່ມ,ໃນບາງທ້ອງຖິ່ນເຮົາຈະເຫັນເພິ່ນໃສ່ຂີ້ໝິ້ນນໍາ. ການສົງນໍ້າພຣະນັ້ນ ຈະຈັດຂຶ້ນຕາມວັດຕ່າງໆໃນມື້ສັງຂານລ່ວງ (ມື້ແຮມສາມຄໍ່າເດືອນຫ້າ)  ໂດຍຈະເລີ່ມຈາກການສົງນໍ້າແກ່ພຣະພຸດທະຮູບກ່ອນ ເຊິ່ງຊາວບ້ານຈະຈັດຕັ້ງເປັນຂະບວນແຫ່ ພຣະພຸດທະຮູບ ອ້ອມອາຮາມ 3 ຮອບ ແລ້ວນໍາພຣະພຸດທະຮູບມາປະດິດສະຖານໃນຫິ້ງ ຫຼື ຫໍສົງນໍ້າ ທີ່ຊາວບ້ານກະກຽມໄວ້ກ່ອນຈະຮອດມື້ງານ (ຖ້າເປັນພຣະພຸດທະຮູບອົງໃຫຍ່ທີ່ບໍ່ສາມາດເຄື່ອນຍ້າຍໄດ້ ແມ່ນຈະບໍ່ໄດ້ນໍາໄປແຫ່ອ້ອມວັດ) ຈາກນັ້ນ ຊາວບ້ານກໍພາກັນມານັ່ງໂຮມກັນຢູ່ດ້ານໃດດ້ານໜຶ່ງຂອງຫໍ ເພື່ອຂໍຂະມາ ແລະ ບອກກ່າວໃຫ້ພຣະພຸດທະຮູບຮູ້ວ່າ: ຮອດຍາມປີໃໝ່ສົງການແລ້ວ ຈະໄດ້ມີການຫົດສົງພຣະພຸດທະຮູບ (ອາດຈະຕັ້ງເປັນກັນເທດ) ໂດຍແມ່ນພຣະສົງເປັນຜູ້ນໍາພາ ຫຼັງຈາກທີ່ຂໍຂະມາສໍາເລັດແລ້ວ ມາຮອດຂັ້ນຕອນການສົງນໍ້າແມ່ນຈະໃຫ້ພຣະສົງ ສໍາມະເນນເປັນຜູ້ສົງກ່ອນຕາມລໍາດັບ ເມື່ອພຣະສົງ ສໍາມະເນນສົງແລ້ວໆ ຊາວບ້ານຈຶ່ງລຽນແຖວກັນເຂົ້າໄປສົງນໍ້າພຣະພຸດທະຮູບ ໂດຍຈະໃຫ້ຜູ້ຊາຍເປັນຄົນສົງກ່ອນ ແມ່ຍິງຈຶ່ງສົງຕາມຫຼັງ, ປະເພນີການສົງນໍ້າພຣະນີ້ ຈະຈັດຂຶ້ນທັງ 3 ມື້ຂອງບຸນປີໃໝ່ ເມື່ອຮອດມື້ທີ 3 ມື້ສຸດທ້າຍຂອງບຸນປີໃໝ່ລາວຫຼືເພິ່ນເອີ້ນວ່າ: ມື້ສັງຂານຂຶ້ນ (ແຮມຫ້າຄໍ່າເດືອນຫ້າ) ...

ງານບຸນນະມັດສະການ ພຣະທາດຍາຄູຂີ້ຫອມ ຫຼື ພຣະຣາຊະຄູ ຫຼວງຍອດແກ້ວ ໂພນສະເມັກ ທີ່ຊາວບ້ານດົງກຶມ ເມືອງ ອາດສະພັງທອງ ແຂວງສະຫວັນນະເຂດ ໄດ້ຈັດຂຶ້ນໃນວັນທີ 19 ກຸມພາ 2019 ດ້ວຍການເຂົ້າຮ່ວມ ມີທ່ານ ລໍາທອງ ຂອບສີລາວົງ ເຈົ້າເມືອງໆ ອາດສະພັງທອງ,ພະແນກ ຖວທ ແຂວງ,ຈາກນີ້ກໍມີ ທ່ານ ຜູ້ຕາງໜ້າພະແນກການຂອງຂອງ ບັນດາເມືອງຕ່າງໆຈໍານວນໜຶ່ງ ຕະຫຼອດຮອດພໍ່ແມ່ປະຊາຊົນພາຍໃນເມືອງ ແລະ ຕ່າງເມືອງເຂົ້າຮ່ວມຢ່າງຄັບຄາໜາແໜ້ນ. ງານບຸນນະມັດສະການ ພຣະທາດຍາຄູຂີ້ຫອມນີ້ ແມ່ນເປັນງານປະເພນີໜຶ່ງຂອງຊາວເມືອງ ອາດສະພັງທອງຈັດຂຶ້ນ ເຊິ່ງເປັນການອະນຸລັກຮັກສາສຶບທອດປະເພນີວັດທະນະທໍາຂອງທ້ອງຖິ່ນໃຫ້ມີຄວາມຍືນຍົງຕະຫຼອດໄປ ອັນສໍາຄັນແມ່ນເປັນການເຕົ້າໂຮມຄວາມສາມັກຄີອັນເປັນປຶກແຜ່ນ ແລະ ສ້າງບັນຍາກາດໃນການທ່ອງທ່ຽວພາຍໃນເມືອງ ອາດສະພັງທອງໃຫ້ມີສີສັນຂຶ້ນຕື່ມ ໂດຍໄດ້ໃຫ້ແຂກຕ່າງດ້າວທ້າວຕ່າງແດນໄດ້ມາສໍາພັດກັບບັນຍາທໍາມະຊາດແລະການດໍາລົງຊີວິດຂອງປະຊາຊົນຊາວບ້ານດົງກຶມ.ສໍາຄັນກໍໃຫ້ຮູ້ເຖິງປະຫວັດຄວາມເປັນມາຂອງພຣະທາດຍາຄູຂີ້ຫອມຕື່ມອີກ. ທ່ານ ເຈົ້າເມືອງ ອາດສະພັງທອງ ມີຄໍາເຫັນວ່າ:ພຣະທາດຍາຄູຂີ້ຫອມ ແມ່ນໜຶ່ງປູສະນີຍະສະຖານທີ່ລໍ້າຄ່າ ແລະ ເປັນພຣະທາດອົງສັກສິດ ຄູ່ບ້ານຄູ່ເມືອງມາແຕ່ບູຮານນາການ ເຊິ່ງໃນຕໍານານແລະການບອກເລົ່າສືບທອດກັນວ່າ: ຍາຄູຂີ້ຫອມ ຫຼື ເວົ້າອີກຢ່າງໜຶ່ງແມ່ນ ພຣະຣາຊະຄູ ຫຼວງຍອດແກ້ວ ໂພນສະເມັກ ແມ່ນເປັນຜູ້ມີສະໜອງດີ,ເປັນຕົ້ນກໍແມ່ນຮຽນໜັງສືທັມເກັ່ງ ຊຶ່ງວ່າຟັງແລະອ່ານໜັງສືລວດດຽວກໍສາມາດຈື່ໄດ້ໝົດທຸກຂໍ້ຄວາມ ອີກຢ່າງໜຶ່ງໃນເມື່ອເວລາເພິ່ນຖ່າຍ(ອາຈົມ)ແມ່ນຈະບໍ່ມີກິ່ນ ຈົນເຮັດໃຫ້ບັນດາລູກສິດ ອອກຕົນຍາດໂຍມທັງປວງຈຶ່ງພາກັນໃຫ້ສາຍາວ່າ: ພຣະຍາຄູຂີ້ຫອມຕະຫຼອດສືບຕໍ່ກັນມາ. ພຣະຍາຄູຂີ້ຫອມ ...

ວັນທີ 29 ມັງກອນ 2019 ຜ່ານມາຢູ່ທີ່ ຫ້ອງການມໍລະດົກໂລກ ວັດພູຈໍາປາສັກ ອົງການຝຣັ່ງ ເພື່ອການພັດທະນາ French Agency for Development (AFD) ໄດ້ຈັດກອງປະຊຸມປຶກສາຫາລື ແລກປ່ຽນຄຳຄິດເຫັນກ່ຽວກັບການສ້າງແຜນໂຄງການຮ່ວມມືໃນການປົກປັກຮັກສາ ແລະ ພັດທະນາມໍລະດົກ ວັດທະນະທຳ ຢູ່ພື້ນທີ່ມໍລະດົກໂລກ ວັດພູຈຳປາສັກ ແລະ ແຫຼ່ງບູຮານສະຖານ ມໍລະດົກ ວັດທະນະທຳອັນລໍ້າຄ່າ ຢູ່ແຂວງສະຫວັນນະເຂດ. ຜູ້ຕາງໜ້າອົງການ AFD ຈາກປາຣີ ປະເທດຝຣັ່ງ ໄດ້ມີຄຳເຫັນຕໍ່ກອງປະຊຸມວ່າ: ການສຶກສາຄົ້ນຄວ້າ ແລະ ວາງແຜນທີ່ຈະໃຫ້ການຊ່ວຍເຫຼືອຫ້ອງການມໍລະດົກໂລກວັດພູຈຳປາສັກ ແລະ ພະແນກ ຖວທ ແຂວງສະຫວັນນະເຂດ ສຳລັບວຽກງານການປົກປັກຮັກສາມໍລະດົກວັດທະນະທຳຄັ້ງນີ້ ລວມມູນຄ່າການຊ່ວຍເຫຼືອປະມານ 600 ລ້ານກວ່າເອີໂຣ ຊຶ່ງຄາດວ່າຈະສາມາດຈັດຕັ້ງປະຕິບັດ ໄດ້ນັບຈາກທ້າຍປີ 2019 ນີ້ເປັນຕົ້ນໄປ. ຂອບໃຈຂໍ້ມູນຈາກ: Cr. ສາລາກາວີ ງົວ ແລະ ກວຽນ

ສະບາຍດີບັນດາທ່ານທີ່ຮັກແພງ ມື້ນີ້ ພວກເຮົາຈະພາບັນດາທ່ານໄປຮູ້ຈັກກັບຄວາມໝາຍຂອງ “ຍອດຊໍ່ຟ້າ” ຍອດຊໍ່ຟ້າຢູ່ທີ່ຫຼັງຄາຂອງອາຮາມ ,ສີມ ນັ້ນແມ່ນມີຄວາມເຊື່ອ ແລະ ເປັນສັນຍາລັກຂອງສະຫວັນຊັ້ນຟ້າ ເຊິ່ງມີຄວາມເຊື່ອໃນພຸດທະປະຫວັດກໍຄື ພຣະທັມມະຈັກກັບປະວັດຕະນະສູດ ເຊິ່ງເປັນປະຖົມມະບົດຂອງທັມມະເທດສະໜາ ກັນທຳອິດຂອງພຣະສັມມາສັມພຸດທະເຈົ້າ ທີ່ພຣະອົງໄດ້ຊົງໂປຣດເທດສະໜາແກ່ ປັນຈະວັກຄີທັງ 5 ອົງ ເຊິ່ງມີເນື້ອໃນກ້າວເຖິງ ຕອນທີ່ພຣະພຸດທະເຈົ້າກຳລັງປະຕິບັດຕົນເພື່ອປະຕິເສດ ທາງສອງສາຍຄື: ບໍ່ເຄັ່ງເກີນໄປ ແລະ ບໍ່ຍານເກີນໄປ (ເຄັ່ງຫຼາຍຈົນຂາດ, ຍານຫຼາຍສຽງບໍ່ມ່ວນ) ແລ້ວປະຕິບັດທາງສາຍກາງ (ບໍ່ເຄັ່ງເກີນ, ບໍ່ຍານເກີນ) ອັນເປັນແບບຢ່າງທີ່ປະຕິບັດທີ່ຖືກຕ້ອງໃຫ້ແກ່ມວນມະນຸດ ແລະ ມີເນື້ອໃນສະແດງເຖິງຂັ້ນຕອນ ແລະ ການປະຕິບັດໃຫ້ບັນລຸເຖິງ ອະຣິຍະສັດສີ່ ເພື່ອດຳເນີນຂັ້ນຕອນການປະພຶດປະຕິບັດ ແລະ ເຂົ້າໃຈຂອງຄວາມເປັນທຸກ ສະມຸດໄທ ນິໂຣດ ມັກເພື່ອໄປສູ່ ພຣະນິພານ ເຊິ່ງເປັນເປົ້າໝາຍ ແລະ ຈຸດໝາຍສູງສຸດຂອງພຸດທະສາສະໜາ ເມື່ອພຣະຜູ້ມີພຣະພຸດທະເຈົ້າ ຕັດທັມມະຈັກກັບປະວັດຕະນະສູດ ຢູ່ນັ້ນ ດວງພຣະເນດສ່ອງເຫັນທັມ ສ່ອງເຫັນ 15 ຊັ້ນນາຮົກ 16 ຊັ້ນສະຫວັນ. ສະນັ້ນ, ບູຮານລາວຈຶ່ງນິຍົມຖືເອົາຂໍ້ນີ້ເປັນຂໍ້ສູງ (16 ຊັ້ນຟ້າ ແລະ 15 ຊັ້ນດິນ) ...

ບຸນກິນຈຽງຖືເປັນບຸນປະເພນີໜຶ່ງ ທີ່ຈັດຂຶ້ນທຸກໆປີ ເພື່ອສະເຫຼີມສະຫຼອງສົ່ງທ້າຍປີເກົ່າຕ້ອນຮັບປີໃໝ່, ທັງເປັນການສະຫຼອງຜົນສຳເລັດດ້ານຕ່າງໆໃນໜຶ່ງປີເຊັ່ນວ່າ: ການເກັບກ່ຽວຜົນລະປູກ, ການຄ້າ ເຊິ່ງສະແດງໃຫ້ເຫັນເຖິງຄວາມອຸດົມສົມບູນ ທີ່ມີຢູ່ມີກິນ, ນຸ່ງງາມຂອງຊົນເຜົ່າມົ້ງ. ທ່ານ ວາລີ ຈື້ນໍເຢັ້ງ ປະທານກວດກາພັກ-ລັດ ເມືອງໄຊ ແຂວງອຸດົນໄຊ, ປະທານຈັດງານບຸນກິນຈຽງໄດ້ໃຫ້ຮູ້ຕື່ມອີກວ່າ: ບຸນກິນຈຽງຖືເປັນບຸນປະເພນີຂອງຊົນເຜົ່າມົ້ງທີ່ເຄີຍຈັດຕັ້ງປະຕິບັດມາແຕ່ດົນນານ, ເຊິ່ງປີນີ້ກໍມີຫຼາກຫຼາຍກິດຈະກຳເຊັ່ນ: ໂຍນໝາກຄອນ, ຕີໝາກຂ່າງ, ຍິງໜ້າເກັກ, ງົວຊົນງົວ, ເຕະບານ ແລະ ອີກຫຼາຍກິດຈະກຳ ທີ່ສະແດງໃຫ້ເຫັນເຖິງຄວາມສວຍງາມ ທີ່ເປັນວິຖິຊີວິດ ວັດທະນະທຳ ແລະ ສີສັນຂອງຊົນເຜົ່າມົ້ງ ແຂວງອຸດົມໄຊ. ອີກໜຶ່ງຈຸດເດັ່ນຂອງບຸນດັ່ງກ່າວ ແມ່ນການແຕ່ງກາຍຂອງບັນດາບ່າວ ສາວ ທີ່ມີຄວາມງົດງາມ ແລະ ເປັນເອກະລັກ ເພາະໃນໄລຍະບຸນນີ້ ບັນດາບ່າວ ສາວເຜົ່າມົ້ງ ໄດ້ພ້ອມກັນນຸ່ງຊຸດປະຈຳຊົນເຜົ່າ ທີ່ສວຍງາມ ໂດຍຊຸດທີ່ນຸ່ງກໍຈະໄດ້ຮັບການປະຍຸກ ແລະ ອອກແບບ ໃຫ້ມີຄວາມທັນສະໄໝຕາມໄລຍະເວລາ, ແຕ່ກໍ່ຍັງຮັກສາຊຸດເກົ່າແກ່ ທີ່ເປັນເອກະລັກຂອງເຜົ່າມົ້ງ ໃນສະໄໝກ່ອນໄວ້ ແລະ ນີ້ຄືສະເໜ່ ຂອງບຸນກິນຈຽງ (ນໍ່ເປ້ເຈົ່າ) ຂອງພີ່ນ້ອງເຜົ່າລາວມົ້ງ. ງານບຸນກິນຈຽງ (ນໍເປ້ເຈົ່າ) ຂອງເຜົ່າມົ້ງ ເພື່ອສົ່ງທ້າຍປີເກົ່າ ຕ້ອນຮັບປີໃໝ່ ຕິດພັນກັບການສົ່ງເສີມປີທ່ອງທ່ຽວລາວ ...